Вооружен маж во Дрезден зел луѓе како заложници во трговскиот центар Altmarkt-Galerie.
Полицијата во Дрезден, град на истокот на Германија, соопшти дека вооружен маж земал луѓе како заложници во трговски центар.
Според BILD, 40-годишниот вооружен маж утринава прво убил 70-годишна жена. Потоа се упатил кон радио станица, пукајќи од својот пиштол кон луѓе по случаен избор. После тоа побегнал од трговскиот центар и се сокрил во аптека. Се наведува дека и таму земал заложници.
Полицијата утрово го евакуирала трговскиот центар Altmarkt-Galerie во источниот германски град Дрезден по извештаите дека вооружен маж зел заложници. Во трговскиот центар се присутни голем број полицајци. Според локалната радио станица Radio Dresden, напаѓачот сѐ уште е во бегство.
Поради ситуацијата затворен е и познатиот божикен базар Штрицелмаркт, најстариот од таков тип во светот основан уште во далечната 1434 година.