Поранешниот голгетер на Интер откри треба заслужен за фамозната бројка 1+8 која ја носеше на дресот е легендарниот Сандро Мацола.
Поранешниот репрезентативец на Чиле, Иван Заморано, настапуваше за Интер кога летото 1997 година во нападот му се придружи Роналдо. На почетокот Бразилецот радо ја прифати десетката, иако во Барселона го носеше дресот со бројот 9, кој во Интер го имаше Заморано.
Чилеанецот продолжи да ја носи деветката, но потоа доброволно се понуди да му ја отстапи на Роналдо за наредната сезона, опишувајќи го како „најдобриот напаѓач на светот“. Тука на сцена стапил легендарниот Мацола.
„Како соиграч го имав најдобриот напаѓач на светот - Луис Назарио де Лима Роналдо. Гледајќи го на тренинзите беше навистина неверојатно. Неговите физичка подготвеност, техника, брзина; разликата во дуелите еден на еден, беше неверојатен. Во првата сезона на Рони во Интер, не ми рече ништо за бројот. Јас продолжив да ја носам деветката, а тој ја зеде десетката. Имавме порилика да го освоиме УЕФА купот во Париз против Лацио. Јас постигнав гол, Роналдо и Занети исто така погодија. Тоа беше вистинска јужноамериканска забава! По Мундијалот во 1998, Роналдо се врати преморен, ментално беше уништен, а во разговор со Сандро Мацола, ми рече: Зошто не му ја дадеш деветката на Рони и да го расположиш? Ќе биде среќен'“, открива Заморано говорејќи за TyC Sports.
Мацола е поранешен напаѓач на Интер од 60-тите и 70-тите години на минатиот век и една од легендите на италијанскиот фудбал. Целата своја кариера, вкупно 17 сезони, ја минал во Интер и притоа освоил 4 Скудета (1962/63, 1964/65, 1965/66, 1970/71), 2 Европски купа (1963/64, 1964/65 - денес Лига на шампиони) и 2 Интерконтинентални купа (1964, 1965). Со Италија стана европски шампион во 1968, а загуби во финалето на Мундијалот во 1970. Син е на Валентино Мацола, ѕвездата на Торино кој загинал во авионската несреќа кај Суперга во 1949 година.
Заморано вели дека немало никакво его од негова страна и дека му било задоволство да го даде својот број на дрес на неговиот соиграч, но сѐ што сакал да направи е да сфати што неговиот нов број значи за него.
„Не се бунев, му го давав мојот дрес на најдобриот на светот. 'Но, кој дрес ќе го носам јас?' На што Сандро ми рече: 'Зошто не го земеш бројот 18 и да ставиш + на средината?'“, додава Чилеанецот.
„Му реков? 'Зар може така?' Ми врати: 'Да'. И така си земав 18-ка. На почетокот лепевме трака и правевме знак, но после четвртиот или петтиот натпревар производителот на спортска опрема кој го снабдуваше Интер почна да ги праќа моите дресови со 1+8. Тоа беше најпродаваниот дрес во историјата на италијанскиот фудбал“.
Иван Заморано дојде во Интер летото 1996 година од редовите на Реал Мадрид и остана 5 сезони кај „Нераѕурите“ пред да се пресели во мексиканскиот Америка во 2001 година. Одигра вкупно 138 натпревари во сите натпреварувања и постигна 41 гол, од кои голем дел во негов препознатлив стил - со глава.
