Најмалиот SUV на корејската компанија започна да се произведува во Турција.
Овој модел влегува во растечкиот европски сегмент на SUV возилата. На идните сопственици на располагање ќе им бидат 411 литри во багажникот.
Автомобилот ќе има 10,25-инчна дигитална инструментална табла, додека централниот дисплеј во поевтините опции има дијагонала од 8 инчи.
Базичниот мотор е атмосферски 1.2 бензинец со 84 коњски сили со мануелен менувач. Купувачите ќе бираат меѓу две опции на трицилиндричен 1.0-литарски турбо бензин мотор. Послабиот агрегат произведува 100 коњски сили и 172 Nm, а моќниот 120 КС и 172 Nm. Посилниот мотор ќе биде достапен со 48-волтна блага хибридна технологија.
Иако има некои исти карактеристики со моделот Kona, корејскиот произведувач наведува дека новиот модел е наменет за оние кои немаат потреба за погон на сите 4 тркала или за електрична верзија.
Новиот SUV во продажните салони пристигнува во текот на летото, а тогаш ќе биде позната и неговата цена.
Фабриката во која се произведува Bayon – Hyundai Assan Otomotiv Sanayi се наоѓа во Измир и е една од најстарите фабрики на Hyundai надвор од Кореја.