Aston Martin го започна сериското производство на луксузниот SUV -моделот DBX.
По 5 години од премиерата на концептот, британската автомобилска компанија започна со производството на нејзиниот прв SUV.
Aston Martin DBX беше претставен кон крајот на 2019 година, а првите продукциски примероци од овој автомобил излегоа на почетокот на јули од фабриката во Велс.
DBX користи 4,0-литарски твин-турбо V8 мотор на Mercedes-AMG. Моторот развива 550 коњски сили и 700 Nm максимален вртежен момент.
Силата се пренесува на сите 4 тркала со помош на 9-степен автоматски менувач. Од 0 до 100 км/ч забрзува за 4,5 секунди.
Цената на Aston Martin DBX во Велика Британија започнува од 158.000 фунти, во Германија се продава за 193.500 евра, а во САД се продава по цена од 189.900 долари.