Фудбалерот Кристијано Роналдо важи за еден од најпопуларните спортисти во светот, луѓето го препознаваат каде и да се појави и токму затоа му е потребно врвно обезбедување.
На чело на обезбедувањето е искусниот телохранител Гонсало Салгадо кој со години се грижи за безбедноста на Роналдо. Тој внимава на него, ги организира патеките на движење, а исто така се грижи и за безбедноста на Хеорхина.
Португалецот Салгадо е поранешен ММА борач кој има над 140 кг. На Instagram постојано објавува видеа и фотографии во кои вежба, со цел да биде физички подготвен во секој момент.
Салгадо се грижи за безбедноста на Роналдо пред и по фудбалските натпревари, а особено е неопходен на јавни настани на кои фудбалерот мора да присуствува или евентуално кога оди на шопинг.