Поради неверојатната сличност со Бред Пит, овој Британец секојдневно е во центарот на вниманието, но животот не му е воопшто лесен.
Нејтан Мидс има 35 години и е самохран татко на две девојчиња. Иако неодоливо наликува на холивудска ѕвезда, покрај огромната популарност, тоа му носи и секојдневни неволји.
Како што истакнува, најмногу му страда љубовниот живот. Нејтан ги бришел профилите на апликациите за запознавање бидејќи девојките не верувале дека е вистински. Во пораки редовно му пишуваат дека е „лажен профил“, а често му го пријавуваат профилот, па мора да прави нови.
Некои од девојките го прогонувале, додека оние со кои излегувал биле „љубоморни на неговите ќерки“.
„На почетокот не им пречеше да поминувам викенди со нив, а потоа полудеа. Викендите се единственото време кога можам да бидам со моите девојќиња, а можам да одам на состаноци во текот на неделата“, рече тој, додавајќи дека го привлекува еден тип на жена.
„Карактерот е клучна работа, и да е семеен тип на девојка“, објасни тој.
На Нејтан отсекогаш му кажувале дека личи на познатиот актер, на што тој само одмавнувал.
„Некои дури велат дека мајка ми имала афера со него и дека Бред ми е татко“, признава тој.
Тој исто така тврди дека луѓето на улица често се враќаат кога ќе поминат покрај него, за да му земат автограм или да се фотографираат со него.
Пред три години Нејтан решил да ја испрати својата фотографија во агенција за дублери и на тој начин почнал да заработува солидна сума на пари. Со него контактирала и Дориен Роуз, која важи за двојничка на Анџелина Џоли.
„Заработката по настам е меѓу 200 и 500 фунти“, вели тој и додава дека тоа е многу повеќе од неговата плата како градежен работник.
