Технолошката компанија Bullitt неодамна го претстави првиот антибактериски телефон во светот, CAT S42. Основниот модел може да се купи по цена од 229 фунти, додека верзијата со Biomaster технологија ќе биде достапна идната година.
Произведувачот планира антибактериска опција да претстави и на другите уреди S52 (380 фунти) и S62 (599 фунти).
S42 не ги убива бактериите и вирусите туку спречува размножување на патогените. Ефектот се постигнува благодарение на сребрените јони вградени во материјалот во текот на производството, пренесе Daily Mail.
Од Bullitt тврдат дека оваа технологија ја намалува количината на бактерии за 80% во рок од 15 минути, како и во период од 24 часа. Телефонот поседува 5.5-инчен дисплеј, Corning Gorilla 5S заштитно стакло, а функционира со Mediatek Helio A20 чипсет. Има 3GB RAM-меморија и 32 GB простор за складирање податоци.
Отпорен е на вода, удари и падови, благодарение на куќиштето од нерѓосувачки челик.