Во Австралија луѓето сведочат на застрашувачка глетка, илјадници пајаци се појавија во одделни региони на земјата, прекривајќи огромни површини со пајажина.
Делови на Викторија се прекриени со пајажина по појава на поплави кои го уништија природното живеалиште на пајаците.
Доктор Кен Вокер, ентомолог од Музејот во Мелбурн, изјави дека станува збор за појава која е вообичаена за Викторија во текот на зимата.
Според него, кога голем број пајаци заедно ќе се вклучат во природен процес познат како „балонирање“ (техника со која пајаците се препуштаат на ветрот што ги носи на други места каде што потоа се населуваат) и можат да прекријат огромни површини со пајажина.
