Рекламната кампања за новиот хорор филм предизвика паника на улиците на Њујорк, пишуваат странските медиуми.
Имено, продуцентите на филмот ангажирале статисти да паѓаат крвави низ градот, и да лежат на улиците со огромни инсекти кои им го покриваат лицето.
Станува збор за научно-фантастичниот хорор „Alien: Romulus“ кој во кината доаѓа следната недела. Филмот во режија на Феде Алварес и Род Сајагес е продуциран од куќата на големиот режисер Ридли Скот.
Тоа е седмиот наслов од франшизата „Alien“ и е сместен помеѓу настаните од филмот „Alien“ од 1979 година, во режија на Ридли Скот и „Aliens“ на друг голем режисер, Џејмс Камерон, од 1986 година.
Во филмот играат Кејли Спени, Дејвид Џонсон, Арчи Рино, Исабела Мерсед, Спајк Ферн и Ајлин Ву.
Филмот следи група млади вселенски колонизатори кои, додека ги истражуваат најмрачните агли на напуштената вселенска станица, доаѓаат во контакт со најстрашната форма на живот што постои во вселената.
Ова не е прв пример на герила маркетинг кој предизвикува страв по улиците на големите градови, сличен беше случајот и со хорор хитот „Smile“ кога статистите стоеја неподвижни по улиците и морничаво се смееја.
