Германската полиција денеска соопшти дека заложничката криза во Дрезден завршила и дека двајца заложници се спасени.
„Се е чисто! Ситуацијата со заложниците во Дрезден е завршена“, се наведува на Twitter профилот на германската полиција.
Како што јави Deutsche Welle, вооружен маж држел луѓе како заложници во трговскиот центар Altmarkt-Galerie во Дрезден.
Претходно во текот на денот беше пронајдено и телото на мајката на осомничениот.
Властите го уапсиле повредениот киднапер. Тие воспоставиле телефонски контакт со мажот откако тој се заклучил во јавна просторија во трговскиот центар, пишува Deutsche Welle.
Двајцата заложници се спасени неповредени.
Германската полиција претходно соопшти дека во Дрезден е во тек заложничка криза и ги повика луѓето да ја избегнуваат областа во центарот на градот.
Radio Dresden претходно јави дека се пукало во зграда во близина на главната железничка станица.
Германскиот таблоид BILD објави дека една жена е убиена.