Според руски Интерфакс, советникот на украинскиот министер за внатрешни работи Антон Гершченко изјавил дека преговорите меѓу Русија и Украина се завршени. Официјална потврда за одлуките сѐ уште не пристигнала. Средбата траеше подолго од три и пол часа.
SkyNews исто така објави дека преговорите на белоруско-украинската граница се завршени. Се повикуваат на извори од украинскиот парламент.
Она што руската делегација го пренела на своуите украински колеги како барања на Владимир Путин за прекин на воената интервенција во Украина, се следниве три услови:
- демилитаризација и денацификација на Украина,
- нејзин неутрален статус,
- Киев да го признае Крим како дел од Русија.
Тоа се всушност истите барања кои Путин телефонски му ги соопштил и на Емануел Макрон.
Додека преговорите за прекин на огнот меѓу Киев и Москва се во тек на границата со Белорусија, Макрон во меѓувреме побара од Путин да се погрижи сите напади да бидат прекинати за време на разговорите, како и да се зачува цивилната инфраструктура и сите главни патишта, особено патот јужно од Киев - за да биде безбеден за користење.
Путин „ја потврди подготвеноста да ги почитува сите три точки“, се вели во соопштението од Елисејската палата.