Додека навечер гледате филм ви се грицка нешто, но чипсот и сличните намирници ќе придонесат за дебелеење. Стручњаците откриваат кои намирници може да ги јадете навечер, а да не се здебелите.
Малини, јагоди, боровници – богати се со влакна кои ќе ви помогнат да се чувствувате сити, а освен тоа содржат и магнезиум, минерал кој ги опушта нервите и мускулите.
Морков и хумус
Ако сакате да јадете нешто крцкаво што не содржи многу калории, ова е одличен избор. Свежиот морков и хумус се добра и здрава комбинација.
Пуканки
Кога ви се јаде нешто солено, пуканките се идеален избор. Богати се со влакна и ќе ве заситат.
Избегнувајте пуканки со путер или чоколадо бидејќи подобри се оние со маслиново масло или свежи зачини.
Јаткасти плодови
Јаткастите плодови како што се лешници или бадеми се богати со протеини и магнезиум, па ќе го задоволат вашиот апетит и ќе ви помогнат да заспиете полесно.
