Зад легендарниот Здравко Чолиќ стои успешна кариера долга неколку децении, но сепак има нешто за што пејачот жали.
Тој истакна дека неговиот поглед кон животот се менувал со годините и дека сега не им придава важност на работите кои некогаш многу го окупирале.
„Не се стилизирав нешто посебно. Ова е евтин Boss костум, обичен костум. Тие денови поминаа, порано одев во Англија и купував таму. Важно беше да имам скроен костум на сцената и да биде достоен за сцената, сјаен. Сè се менува како што старееш, животот се менува, но се надевам дека е позитивно. Во однос на одредена зрелост, дружење, но и кариера“, додаде тој.
Иако зад себе има долга кариера, тој откри за што сега жали.
„Жал ми е што ретко издавам албуми. Не знам дали тоа е поради соработниците, продуцентите... Меѓутоа последниве години и сам ги пишувам песните. Порано правевме плочи за три месеци, а сега е сѐ поспоро. За тоа ми е жал. Би сакал да видам повеќе нови песни“, рече тој.
