Минаа скоро 7 години откако германскиот возач на Ф1 Миахел Шумахер доживеа серозна повреда на главата во текот на скијање на Алпите.
Кацигата му го спаси животот, но оттогаш светот многу малку знае за неговата здравствена состојба.
Тој беше во индуцирана кома, опериран неколку пати, а семејството внимателно го чува од вниманието на медиумите и обожавателите. Ретки се луѓето кои го посетуваат од 2013 година.
А, го посетуваат само лекари, најблиски роднини и ретки пријатели.
Меѓу нив е и неговиот добар пријател Жан Тод, кој не зборува многу за состојбата на Шумахер, но секоја негова реченица дава надеж дека Германецот ќе закрепне.
„Јас сум многу дискретен по тоа прашање, но Михаел имаше тешка несреќа која остави длабоки последици по него. Оттогаш се лекува на начин со цел еден ден да се врати во нормалниот живот“, изјави тој пред француските новинари.
За состојбата на Шумахер зборуваше и неговиот пријател Рос Брон, кој ќе ги следи настапите на Мик Шумахер во Ф1.
„Очигледно ќе биде многу интересно сега кога и Мик Шумахер ќе вози во Ф1, имам голема верба во него. Сето ова не потсетува на несреќата на Михаел, сите помислуваме колку би било убаво и тој да може да учествува во тоа“, вели Брон.
Тој додаде:
„Никој од нас не знае колку Михаел може да разбира. Ајде да се молиме дека еден ден ќе биде дел од сето ова, тоа би било одлично“, вели Брон.