Истражувачи од Универзитетот Харвард докажаа дека некои видови зеленчук не придонесуваат за губење на тежината, туку може да влијаат на дебелеење.
Во истражување кое траело 20 години, учествувале 130.000 луѓе, а научниците ги следеле нивните навики во исхраната, како и намирниците кои ги консумираат. На основа на добиените податоци, експертите заклучиле кој зеленчук придонесува за зголемување на килограмите. Со голема сигурност потврдено е дека најмногу се дебелее од пченка, компир и грашок.
Испитаниците кои почесто консумираат зеленчук богат со скроб добивале на тежина многу повеќе од испитаниците кои јаделе друг вид зеленчук.
Пченката се покажала како најлоша со 0.9 килограми во текот на две години од зголемување на порцијата со овој зеленчук. Компирот, грашокот и пченката се лошо оценети бидејќи имаат вишок калории и јаглехидрати од другиот зеленчук и имаат повисок гликемиски индекс што значи дека побрзо го креваат шеќерот во крвта во текот на варењето.
Проблемот не е во зеленчукот, туку во навиките во исхраната. Луѓето пречесто ги користат, не јадат доволно широка палета други видови зеленчук како брокула, боранија, кои содржат многу витамини и минерали, а минимални калории.
Компирот, пченката и грашокот се евтини, со благ вкус и омилени кај децата што значи дека некои семејства секојдневно ги користат. Клучно во исхраната се умерени порции и паметни техники на подготвување.
Ако сакате да ја задржите моменталната тежина јадете зеленчук богат со влакна како карфиол, брокула, зелка и моркови. Се препорачува и зеленчук со висок процент на вода како домати, краставици, зелена салата, тиквици и ротквица.
