Првотимецот на Интер, Пјотр Желињски, ќе отсуствува неколку недели поради повреда на листот на десната нога, соопшти италијанскиот клуб.
Желињски се повреди во саботата, при победата од 3:2 против Монца во Серија А. Тој влезе во игра во 70. минута, но мораше да го напушти теренот само 3 минути подоцна.
„Состојбата на полскиот играч за врска ќе биде проценета за неколку недели“, се вели во соопштението.
Желињски сигурно ќе го пропушти денешниот реванш осминафинален натпревар од Лигата на шампионите против Фејнорд, со почеток во 21 часот во Милано. Тој сезонава одигра 33 натпревари во сите натпреварувања и постигна 2 гола и 3 асистенции.
