Поранешниот стандарден лев бек на Барселона Жорди Алба (34) потпиша предвремено раскинување на договорот со каталонскиот клуб.
Репрезентативецот на Шпанија со Барселона имаше договор до крајот на следната сезона, но тој одлучи „дека е најдобро да замине“, па од 1 јули ќе биде бесплатен играч.
Шпанските медиуми известуваат дека Алба се одлучил за овој потег за да ѝ помогне на Барселона да го донесе Лионел Меси.
Каталонскиот клуб мора да ги „исчисти“ платите, што преку продажба, што преку спогодбени раскинувања на договори со играчи, па потегот на Алба ќе помогне во тоа барем малку.
Алба е свесен дека би играл помалку следната сезона и ќе бара нов клуб, додека во исто време ќе ѝ помогне на Барса со ослободување од неговата плата.
Алба пристигна во Барселона во 2012 година од Валенсија, а со каталонскиот клуб освои шест титули првак на Шпанија, пет титули Куп на Кралот и една Лига на шампиони.
Одигра вкупно 458 натпревари за Барса, а оваа сезона настапи 29 пати.
