Реал Мадрид синоќа оствари многу значајна победа на тешкото гостување во Сан Себастијан со што се израмни со Барселона на врвот.
Стратегот на клупата на „Кралевите“, Зинедин Зидан, очекувано е задоволен што неговите избраници дојдоа до трите бода на ова тешко гостување против Реал Сосиедад.
„Многу сум задоволен. Игравме на место каде што е тешко да се игра, против цврст противник кој многу ни ги отежна работите. Натпреварот не беше лесен, но од почеток се држевме и мислам дека ја заслуживме победата“, рече тој по натпреварот.
По точно 30 одиграни натпревари тимот на Зизу е израмнет на врвот со Барса со по 65 бодови, но поради подобар меѓусебен скор мадриѓаните се лидери.
„Знаеме дека разврската во Ла Лига ќе се направи на самиот крај и поради тоа мора да продолжиме онака како што правиме и сега, сконцентрирани и со огромна желба“.
Наредниот предизвик за Реал е веќе в среда кога ја пречекува екипата на Мајорка. Барса ден порано, утре, игра исто така дома, но против Атлетик.
