Славната актерка го продава станот во Менхетн, за 10.5 милиони долари. Станува збор за пентхаус во кој се влегува директно од лифт во пространа галерија која води до огромна и светла дневна соба со трпезарија.
Поткровјето има 3 спални соби и 3 бањи, а огромната дневна соба и трпезаријата имаат 4 огромни прозорци со поглед на северниот градски пејзаж. Подот е од бел даб од широки штици и има впечатливи дрвени греди со соодветни потпорни ѕидови.
Кујната е современа и совршено опремена, дизајн на Кристофер Пикот. Во кујната се влегува од трпезаријата.
Елегантната бања има подно греење, а е обложена со бел мермер и двоен мијалник, када и голем стаклен туш.
Со купувањето на ова поткровје следи и користење на затворен базен, фитнес центар, инфрацрвена сауна, соба за масажа, детска игротека, уредена кровна тераса од 5.000 метри квадратни, собарка,портири, менаџер и подземна гаража која нуди дискретно излегување и доаѓање.