Децата на сите возрасти доживуваат стрес и анксиозност, но реагираат различно зависно од возраста, нивниот карактер и начинот на кој се справуваат со овие емоции. На родителите им е тешко да препознаат кога нивното дете е под стрес, а многу често не знаат како да реагираат.
Како да препознаете дали вашето дете е под стрес и како да му помогнете?
Различни фактори влијаат на појавата на стрес кај децата, од привикнување на детето на нова средина, до притисок во училиштетото или едноставно усогласување на обврските.
Некои од најчестите симптоми кои укажуваат на тоа дека вашето дете се соочува со стрес се стомачните проблеми. Проблеми со желудникот, мачнина, повраќање, дијареја – можат да бидат симптоми на стрес кај децата на возраст над 6 години.
Исто така, зголемен број на отчукување на срцето е симптом кој може да се појави кога детето е под стрес. Доколку овие симптоми траат подолго време, може да предизвикаат срцеви заболувања.
Кога детете е под стрес се јавува и главоболка, болка во грбот, градите или болки во мускулите. Промената на спиење е знак на анксиозност. Некои деца спијат подолго од вообичаеното или страдаат од несоница.
Поради анксиозност и стрес, децата може да изгубат апетит и да избегнуваат да јадат, а тоа резултира со губење на тежината.
Како да му помогнете на вашето дете?
Доколку препознаете дека вашето дете е под стрес треба да му помогнете да диши длабоко или да имаат активности за опуштање за да го намалат стресот и да ја вратат работата на срцето во нормала. Доколку не може да заспие, спијте заедно со него или ставете го во вашиот кревет.
Помогнете му на детето да се навикне на новата ситуација. Потребно ви е огромно трпение и љубов за да му помогнете да го надмине стресот и анксиозноста и да се прилагоди на новата средина.