Познатиот канадски пејач Џастин Бибер се најде на црната листа на Ferrari.
Ferrari го стави Бибер на неславната листа на луѓе кои никогаш повеќе нема да можат да купат нов автомобил од Маранело. Пејачот е познат по ексклузивните суперавтомобили, а меѓу нив се Ferrari LaFerrari, Fisker Karma, Ferrari 458 Italia и други.
Сепак, поп ѕвездата направи грешка која е непростлива во Ferrari. Бибер не ги почитувал јасно одредените правила, односно не го почитувал етичкиот кодекс на кој инсистира компанијата од Маранело, па забраната е конечна.
Пејачот купил Ferrari 458 Italia и го обоил во Electric Blue нијанса, а работата му ја завршила екипата на West Coast Customs. Тој исто така постави широк боди кит од Liberty Walk, а неговата најголема и непростлива грешка е што дури и логото на Ferrari на неговиот автомобил било обоено сино.
Ferrari го информира секој клиент дека „не си игра“ со автомобилот, па затоа не дозволува нелегални модификации на моторот, какви било модификации на каросеријата, а потребна е лиценца за бојадисување на автомобилот.
Уште една од грешките на Бибер е што тој го продаде своето сино Ferrari на аукција во 2017 година, помалку од една година по купувањето, што компанијата од Маранело исто така не го дозволува.
За среќа на Бибер, ништо не го спречува да купува модели на Ferrari од други сопственици.
На црната листа на Ferrari се старлетата Ким Кардашијан, како и актерот Николас Кејџ.
