Вчера Шпанија со победата по продолженија од 2:1 над Германија се пласираше во полуфиналето на ЕУРО, а еден спорен детаљ од 106. минута крена голема прашина во германските медиуми.
На самиот почеток од второто продолжение, при резултат 1:1, шутираше Џамал Мусиала, по што топката го погоди в рака Марк Кукуреља.
Главниот судија на натпреварот, Англичанецот Ентони Тејлор, не покажа на белата точка, но не доби повик од ВАР просторијата повторно да ја погледне ситуацијата.
Se la Germania viene eliminata per colpa di questo rigore negato è una ladrata assurda#Cucurella #SpagnaGermania pic.twitter.com/2mV8XRnQLk
— ilcontismo (@ilcontism) July 5, 2024
Германците се револтирани бидејќи сметаат дека се оштетени за чист пенал, а целата ситуација ја разјасни новинарот на ESPN, Дејл Џонсон, експерт за ВАР судење.
Тој појасни дека судијата Тејлор постапил според правилата на фудбалската игра, бидејќи во таква ситуација не треба да се свири пенал.
UEFA's pre-tournament briefing on handballs gave a specific example just like Marc Cucurella, saying it should NOT be a handball penalty.
— Dale Johnson (@DaleJohnsonESPN) July 5, 2024
Arm close to the side, pointing predominantly down/vertically, and/or a position behind line of the body. #ESPGER #Euro2024
Како што објасни Џонсон, УЕФА им дала јасни инструкции на судиите пред Европското првенство дека не се доделуваат пенали доколку топката удри во рака на играч, а таа е испружена надолу и зад телото на играчот.
Бидејќи беше токму таков случај, не реагираа ниту судијата Тејлор, ниту ВАР судијата Стјуарт Атвел.
Резултатот во тој момент остана 1:1, а потоа Микел Мерино постигна гол во 119. минута за да ја однесе Шпанија во полуфиналето.
