Карловиот мост во Прага е еден од највпечатливите примери на висока готика прикажан во архитектонското дело на Карло IV. Ова ремек дело не само што е убаво, туку во себе крие куп интересни приказни.
Најстариот мост во Прага е една од најпосетуваните, но и најважните атракции на чешката престолнина, со кој градот е исклучително горд.
Овој спектакуларен мост ја преминува реката Влтава и ги поврзува Долниот град (Malá Strana - Мала Страна) и Стариот град (Staré Město - Старе Мјесто). Покрај тоа, мостот е една од најпознатите градби изградени за време на владеењето на Карло IV (на чешки Karel IV).
Во античко време, луѓето буквално морале да ја газат реката кога сакале да преминат на другата страна. Првиот дрвен мост, кој се смета за претходник на денешниот Карлов мост, бил изграден во 10 век. Потоа, помеѓу 1158 и 1172 година бил изграден познатиот камен мост кој го добил името Јудитин мост. Името го добил по кралицата Јудита Тирингиска, сопругата на Вратислав II, која ја наредил изградбата.
Изработен од песочник, мостот бил долг 500 метри и широк 7 метри. Тој мост бил уништен во 1342 година при голема поплава. Доколку сакате да видите што останало од Јудитиниот мост денес, треба да почекате да се спушти нивото на реката.
Кралот Карло IV ги поканил најеминентните астролози да го одредат најдоброто време да се започне со изградба на мост на местото на стариот. Самиот Карло IV го поставил камен-темелникот на мостот именуван по него на 9 јули 1357 година точно во 5 часот и 31 минута.
Овој број е избран со причина - кога ќе ги подредите сите цифри добивате симетрична серија од непарни броеви - 1 3 5 7 9 7 5 3 1. Архитектот Петар Парлер, кој е познат по дизајнирањето на катедралата Св. Вида во Прашкиот замок, бил одговорен за надгледување на изградбата на мостот.
Самиот мост бил завршен по смртта на архитектот на почетокот на 15 век, кога кралот Вацлав IV го презел тронот.
До 1870 година мостот бил познат како Прашки мост (Pražský most - Пражскиј мост) или Камен мост (Kamenný most - Камениј мост), а од таа година добил ново име - Карлов мост, или на чешки Karlův most (Карлув мост).
Денес Карловиот мост е долг 515,8 метри, широк 9,5 метри и е поддржан од вкупно 16 столбови. Мостот е чуван од три моќни кули - Староградската кула и Долноградската кула - од двете страни, изградени во фантастичен готски стил.
На мостот има и 30 статуи со религиозна тематика - нивното поставување покрај оградата на мостот започнало во 1657 година. Скулптурите се направени од најголемите скулптори од тоа време: Матиас Браун, Јан Брокоф и неговиот син Махаел Јосеф, како и Фердинанд Максимилиан.
Денес, повеќето од скулптурите се заменети со реплики, бидејќи оригиналните биле направени од песочник, подложен на оштетување. Сите оригинали се чуваат во Народниот музеј. Поради втората разорна поплава што ја погодила Прага во 1890 година, сводовите исто така морале да се обноват.
Најпознатата легенда поврзана со Карловиот мост е онаа за употребата на јајца и млеко при неговата изградба, со цел мостот да биде што поцврст.
Научниците од еден од прашките универзитетите направиле неколку истражувања кои потврдиле дека млеко и вино биле ставани во гипсот при изградбата, но никаде не нашле траги од јајца.
Друга легенда е за свештеникот Јан Непомук. Се вели дека кралицата, сопругата на кралот Вацлав IV, му се исповедала на свештеникот Иван. Кралот имал одредени сомневања дека неговата сопруга е неверна, па сакал да дознае што му признала на свештеникот. Во согласност со својата должност, свештеникот одбил да му каже. Кралот тогаш наредил свештеникот да биде мачен и фрлен во реката од Карловиот мост. На местото каде што се удавил свештеникот се појавиле пет златни ѕвезди.
Откако неговото тело било екхумирано, бил пронајден неговиот јазик целосно розов и свеж, па потоа станал свет атрибут. Во 1729 година бил прогласен за светец.
Туристите кои шетаат преку мостот речиси секогаш одат да ја допрат неговата позлатена статуа и да посакаат желба.
На друга страна од споменикот, на местото од каде што бил фрлен свештеникот, се наоѓа малата позлатена статуа која е мамка за туристите:
