Кинезите имаат луда идеја да го поврзат Егејското Море со Дунав за по оваа рута да се движат товарни бродови.
Идејата како идеја постои и нејзината реазлизација се разгледува. Она што Кинезите го замислуваат е значително проширување на реките Вардар и Морава кои би се направиле пловни за низ нив да можат да минуваат товарни бродови полни со кинеска роба.
Кина веќе одамна има многу вложено во пристаништата во Пиреја (Грција) и Трст (Италија) од каде нивната роба потоа се разнесува низ цела Европа. Проблемот е што потоа копнениот превоз низ Стариот континент е далеку помалку ефикасен отколку бродскиот. Камионите, возовите и авионите не можат да пренесат толку товар колку што може брод.
Затоа Кина бара начини како да отвори воден пат низ копнена Европа, а една од опциите е преку Вардар и Морава да се поврзе со Дунав. Тоа би било голем зафат со оглед на тоа што Вардар е многу плитка река, а за товарен брод да може да плови потребна е длабочина од најмалку 4 метри. Сепак, интересна замисла.