Најголемите предности што ги имаат лаптопите во однос на десктоп компјутерите се преносливоста, помалата тежина и компактноста.
Сепак, колегите од порталот Make Use Of наведоа неколку причини што ќе ве натераат внимателно да размислите дали навистина ви треба лаптоп како инвестиција за следната година или можете да го замените со нешто поефикасно.
За што обично се користи лаптопот и што да користите наместо него?
„Кога бевме аграрна нација, скоро сите превозни средства беа камиони. Бидејќи луѓето се движеа повеќе кон урбаните центри, автомобилите станаа популарни. Мислам дека компјутерите ќе бидат како камионите. Сè помалку луѓе ќе ги користат. Ова ќе биде непријатно за некои луѓе бидејќи далеку стигнавме од PC до овде“, изјави своевремено Стив Џобс.
Таблетите носат на свој грб добар дел од оваа пост-PC револуција. Во просек, тие се поевтини од лаптопите, полесни се и дизајнирани да се користат насекаде. Повеќето функции што ви се потребни на лаптопот, исто така ги имаат и таблетите. Дополнителна придобивка е што апликациите за таблети обично се поевтини од компјутерскиот софтвер.
Ако треба да завршите некоја работа додека патувате, можете да купите дополнителна тастатура за таблет.
Ако планирате некоја подолгорочна работа, најверојатно ќе ја работите од канцеларија или од дома, а десктоп компјутер е многу посоодветен за такви ситуации. Тие се многу поекономични, не ги оптеретуваат зглобовите и грбот како лаптопите и имаат екрани што се многу попрегледни.
Општо земено, дигиталните сервиси, паметната телевизија и плеерите имаат многу повеќе предности, бидејќи од нив може да пристапите до продавницата на Google Play, но исто така и сервиси како што се Netflix, Amazon Prime, Spotify и така натаму.
Секако, можете да гледате филмови и серии преку лаптоп, но екранот е мал и никој не сака да се плетка со HDMI кабли и слично.
1. Периферни уреди
Ако имате работа што бара многу движење (како новинарство или професионална фотографија), големи се шансите дека честопати ќе треба да додавате периферни уреди на вашиот лаптоп. Ова вклучува печатач, SD-картичка, HDMI кабел или USB-стик, а повеќето таблети не го нудат тој луксуз.
2. Складирање
Таблетите едноставно не го нудат истиот простор за складирање на податоци како лаптопите. Повеќето современи лаптопи имаат најмалку 250 GB капацитет, додека повеќето таблети од висока класа ќе имаат околу 128 GB.
3. CD и DVD
Дисковите умираат, но уште се меѓу нас. Ако работите за компанија, скоро секој ден ќе наидувате на некакво CD, без разлика дали инсталирате софтвер или преземате презентации за конференции и настани. Покрај тоа, можете да гледате DVD на долги патувања и да снимате музика за слушање во автомобилот.
Како што можете да видите, ова се само некои од аргументите кои (не) одат во прилог на купување лаптоп. Иако сè уште имаат некои предности, лаптопите се помалку потребни за еден просечен корисник, особено затоа што има сè помалку разлика во цената кога станува збор за таблетите и лаптопите.
