Анте Ребиќ беше херојот на Милан синоќа, во победата од 2:1 над Рома во 23-тото коло од Серија А.
Хрватскиот репрезентативец постигна прекрасен гол во 58. минута за конечен резултат откако маестрално го помина Џанлука Манчини и го надмудри Пау Лопес, постигнувајќи еден од најважните голови во неговата кариера.
Овој погодок му донесе на Милан важни три бода во борбата за Скудетото со Интер.
Ребиќ емотивно го прослави голот со пцовки, а Италијанците шпекулираат дека тој им испратил порака на „дежурните критичари“, кои редовно го прозиваат сезонава поради неговата малку послаба форма. Ребиќ и оваа сезона се бори со повреди.
„Да ви е*ам мајката во пи*ка, да ви е*ам“, распали Рибиќ гледајќи директно во камерата откако го заби голот.
Gazzetta dello Sport го опиша настапот на Ребиќ како „енергичен“, со оцена 7. Хрватот се повреди во 66. минута и мораше да го напушти теренот. Покрај него, повредени се и клучните играчи Хакан Чалханолу и Златан Ибрахимовиќ.
„Сите имаа проблеми со мускулите. Во моментот се чини повеќе како замор, ќе видиме што ќе кажат тестовите во понеделник. Ова се одлучувачките моменти за нашата сезона и се надеваме дека не е ништо сериозно затоа што ни требаат сите играчи на располагање“, рече тренерот Стефано Пиоли по натпреварот.