Стомакот е дел од телото што најтешко се слабее и обликува, а тоа ќе го потврдат и фитнес експертите. Тој исто така е мета на дебелеење што нема врска со тоа дали многу јадете и дали општо имате вишок килограми.
Наталожувањето масни наслаги во пределот на стомакот може да биде предизвикано и од други фактори.
Страничните „перничиња“, познати како „спојлери“ се создаваат поради прекумерно седење. Ситуацијата дополнително се влошува ако исто така внесувате многу шеќери и јаглехидрати и ако пиете алкохол. Овој проблем ќе го решите прво преку промена на исхраната: внесувајте посно месо, јаткасто овошје, риба и намалете со алкохолот. Редовното вежбање се подразбира. За почеток може да пешачите по најмалку 30 минути дневно.
Стресот е многу важен фактор во концентрираното дебелеење во пределот на стомакот. Стресот предивикува таложење на масните наслаги околу папокот, а стомакот е задебелен и цврст на допир. Хроничниот стрес, нередовната исхрана, преголеми количини кафе и нездрава храна се причината за ваквото дебелеење. Смирете го телото со лесни јога вежби, воведете ред во исхраната, во однос на планирани и здрави оброци и земајте магнезиум како додаток бидејќи помага во опуштање на мускулите.
Подуеноста е чест проблем со кој се соочуваат и најслабите луѓе. Наутро стомакот е рамен, а до вечерта е подуен иако не сте јаделе претерано многу. Причината за подуеноста може да биде алергија на некоја храна или дисбаланс на цревната флора. Внимавајте која храна ви предизвикува подуеност, а ако проблемите продолжат обратете се на лекар за да испитате можна бактерија во цревата или желудникот.