Корисниците на Facebook Messenger можеби ќе размислат да се откажат од популарната апликација по совет на експертот за сајбер безбедност Зак Дофман.
Тој вели дека со користење на услугите во сегашната состојба може сериозно да се ризикува пресретнување на пораките испратени преку платформата.
„Треба да ја префрлите лична комуникација и разговорите и сè што сакате да остане безбедно, барем на WhatsApp - или, уште подобро, на Signal“, ги предупредува Дофман сите корисници, во текстот објавен во Forbes.
Звучи прилично драматично, но тој има многу добра поента. За оние кои не се свесни, Messenger допрва треба да воведе end-to-end енкрипција во својот сервис како стандардна опција. Без да скокате во поставките, започнете нов разговор - вашите пораки нема да бидат заштитени од љубопитните погледи. Ова во основа значи дека сè што е испратено помеѓу уредите може да биде пресретнато и читано од трети лица.
Додека WhatsApp, покрај Signal, е една од оние апликации што воведоа ваков тип на енкрипција, Messenger заостанува. Може да се испрати шифрирана порака преку таен разговор во Messenger, но ова не е вклучено по дифолт и не функционира кај групни разговори.
Компанијата е свесна дека не ја исполнува оваа безбедносна мерка, во неодамнешната објава на нејзината веб-страница се вели: „Ние работиме напорно за да воведеме стандардна енкрипција од крај до крај во сите наши услуги за пораки“. Messenger се подобрува бидејќи Facebook неодамна воведе бројни алатки за приватност и безбедност, вклучувајќи повеќе поставки за приватност, заклучување апликации, посигурни барања за пораки, ограничувања за препраќање пораки и многу повеќе.
Сепак, нема значајна енкрипција и сè додека не биде воведена во 2022 година, можеби е поумно да се најде друг начин за комуникација со пријателите и семејството.