Дури и паркираните автомобили може да бидат опасни, особено за случајни минувачи и велосипедисти. Велосипедистите, кои често се во „сендвич“ меѓу паркираните автомобили и тековниот сообраќај, склони се на удари кога ќе се отвори вратата на автомобилот.
Феноменот „врата“ на автомобил е толкава закана за велосипедистите што постои термин кој го опишува нивното удирање: отворање врата. За жал, отворањето врата е многу почесто отколку што мислите. Во 2011 година во Чикаго секој ден се има случувано по една несреќа. И оттогаш работите не се подобрени за велосипедистите. Во 2015 година имало повеќе од 300 случаи кога велосипедистите биле удрени од отворена врата на автомобил. Во Њујорк најмалку тројца велосипедисти починале во 2019 година како последица од отворање врата.
Што може да се направи за заштита на велосипедистите?
Постои едноставно, скоро без некој вложен напор, решение кое може да се преземе за безбедноста на велосипедистите. Потребно е само да ја отворате вратата на автомобилот со десната рака. Овој зафат доаѓа од Холандија поради што е познат како „холандски зафат“.
Ако седите на страната на возачот во паркиран автомобил и сакате да излезете, не ја отворајте вратата со лева рака. Наместо тоа, отворете ја со десната рака. Овој едноставен чекор ќе доведе до тоа да го свртите целиот горен дел од телото, прво повлекувајќи линија на видот покрај ретровизорот со што ќе имате можност да видите кој се наоѓа на патот покрај вас во тој момент.