Експертите советуваат дека дневно треба да внесувате една и пол до две шолји овошје, пишува Eat This, Not That.
Дознајте зошто треба да јадете овошје секој ден.
Овошјето ги намалува воспалителните процеси
Овошјето е богато со антиоксиданси кои се борат против слободните радикали и така ги намалуваат воспаленијата во телото.
Овошјето го брани организмот од хронични болести
Кога ќе се намалат воспалителните процеси, ќе се намали и ризикот од појава на хронични болести.
„Овошјето е богато со витамини, минерали, антиоксиданси и хранливи состојки кои сите заедно би го подобриле вашиот имунолошки систем“, вели нутриционистот Дани Либовиц. „Секојдневното јадење овошје обезбедува заштитно делување од хранливите состојки што пак го намалува ризикот од срцеви болести и мозочен удар, но и го намалува крвниот притисок“, додава.
Овошјето помага во одржувањето на здрав дигестивен систем
Овошјето е одличен извор на влакна кои помагаат при одржување на здравото варење и превенира дигестивни проблеми како запек. Исто така, поради влакната подолго време остануваме сити, а помагаат и во зголемувањето на добрите бактерии во цревата.
Го подобрува здравјето на кожата
Овошјето е полно со антиоксиданси кои можат да го намалат оштетувањето на клетките во кожата така што ги намалува воспалителните процеси и даваат заштита од слободните радикали. Токму слободните радикали можат да го забрзаат стареењето на кожата со разлагање на колагенот во телото, а тоа води до појава на брчки.
Помага при хидратација
Пиењето доволно вода е дел од здравиот животен стил, но сета течност не доаѓа од водата туку и од храната. Многу овошје содржи вода па може значително да помогне во хидратација на организмот.
Најдобри за хидратација се лубеницата, но и јагодите и дињата,
Помага при слабеење
Едно истражување спроведено на 26.000 луѓе покажа дека слабееле повеќе додека јаделе овошје и зеленчук. Секојдневното јадење овошје помага при слабеење бидејќи има малку калории, а исто така е полно со растителни влакна од кои сме подолго сити.
