Многу мажи сакаат да флертуваат, а некои од нив се женети. Но, што значи флертувањето за женетите мажи и зошто се случува?
Дали флертувањето е изневерување и дали е погрешно? Истражување објавено во Sex Roles дава одговори за флертувањето кога станува збор и за мажите и за жените.
Според истражувањето, мажите флертуваат од 6 причини: за секс, за да видат како би било во врска, за да ја подобрат врската, за да пробаат нешто ново, за да ја зголемат самодовербата и за да се забавуваат.
И додека мотивациите за флертување се различни, психолозите сметаат дека ваквото однесување е разбирливо од психолошки и социјален контекст. И додека на прв поглед би звучело чудно да ѝ кажете на сопругата дека сте флертувале со сосетката, има и доблест во интимната исповед за таквата емоционална потреба.
„Некои парови имаат добри комуникациски вештини и доверба едни во други па го користат флертот како начин да го задржат личниот идентитет и мистериозноста во врската“, вели семејниот терапевт Касандра Лен.
Мажите не се поразлични од жените во нивните потреби за да се чувствуваат посакувано, вели експертот за врски Карлос Хума.
Дури и рускиот психолог Михаил Лабковски вели дека оженетите мажи почесто флертуваат од слободните мажи.
Тој смета дека некои мажи сакаат да ги имаат и двете работи, сопруга и љубовница. Жените кои стапуваат во врски со оженет маж свесно се согласуваат да бидат во врска со него.
Оженетите мажи често им се привлечни на жените од повеќе причини, таквиот маж не ги контролира, повремено им посветува внимание, им пружа редовен секс и им дава подароци. Не мораат да живеат со него, не средуваат работи за него и не мора да се грижат за него.
Не секој флерт преминува во неверство, мажите повеќе на него гледаат како на безопасна игра во која нема ништо лошо. Тој само сака да види дали е во состојба да го привлече вниманието на згодната сосетка или на колешката и во тоа не гледа неверство.
Но, од безопасна игра флертот може да прерасне во љубовна афера и неподнослива ситуација.
