Германскиот тенисер Александер Зверев неодамна беше во контакт со заразени од коронавирус и најави дека ќе замине во самоизолација. Но, наместо во карантин Зверев е снимен како се забавува во приватен клуб во Монте Карло.
Тенисерот направи тест кој испадна негативен, но рече дека сепак ќе замине во самоизолација.
Сепак, сè заврши како најава бидејќи по само неколку дена е снимен како се забавува во ноќен клуб, без да држи дистанца и без маска.
Зверев не беше сам на забавата во Монте Карло, организирана од модниот креатор Филип Плејн. Неговото однесување предизвика низа критики на негова сметка со оглед на тоа дека неодамна бил во контакт со заразени лица на Адрија Тур.