Во големото дерби од петтото коло на Серија А, Милан го совлада Интер со 3:2, со што му побегна на градскиот ривал за два бода и моментално го држи второто место во италијанскиот шампионат.
Нероаѕурите поведоа со голот на Марцело Брозовиќ, но Милан го поништи резултатот благодарение на двата гола на одличниот Рафаел Леао и голот на Оливје Жиру. Един Џеко само го намали резултатот кон крајот на натпреварот.
Анте Ребиќ не играше. Поради повреда, тимот го следеше од клупата во друштво на Златан Ибрахимовиќ.
Сепак, камерите уловија една негова реакција за тоа што се случуваше на теренот. Тео Ернандез и Дензел Дамфрис се закачија по еден дуел.
Почнаа турканиците и вербалните напади, а Фикајо Томори мораше да интервенира за да ги смири страстите. Во тој момент камерите го покажаа насмеаниот Ребиќ, а објавата брзо стана хит на Twitter.