Најдобриот светски тенисер Новак Ѓоковиќ често го поминува времето во својот дом во Марбеља, каде има идеални услови и за тренинзи и за одмор.
Ѓоковиќ си обезбеди мир и нов дом таму, а токму сега е во ова одморалиште каде тренира со полно работно време и се подготвува за Мастерсот во Индијан Велс.
Таму ги има потребните услови за работа, а во близина на неговиот дом се терените на клубот „Пуенте Романо“ каде Ѓоковиќ тренира додека престојува во Марбеља.
Се вели дека неговиот дом има мало кино, теретана, спа центар, девет спални соби, осум бањи, внатрешен базен и центар за рекреација.
Неговата резиденција во Марбеља се наоѓа на пет минути од центарот на градот со поглед на морето и планините, а Ноле првично го изнајмувал имотот по цена од десет илјади евра неделно, па ја купил вилата за десет милиони евра.
Да потсетиме, неговата сопруга Јелена смета дека Марбеља е идеално место за нивните деца бидејќи климата е одлична во текот на целата година.
