Гејмерите кои ја поседуваат симулацијата за возење Gran Turismo 7 од денес ќе можат да преземат ново целосно бесплатно ажурирање.
Дел од ажурирањето се нови автомобили, а на листата се и Toyota GT-Ine (TS020) од 1999 година, Lamborghini Urus (2018) и Audi R8 Coupe V10 Plus (2016).
Иако Toyota GT-One не успеа да постигне севкупна победа на 24 часа Ле Ман, таа стана најбрзиот автомобил во еден круг, а исто така ја зазеде пол-позицијата и втората стартна позиција за трката во 1999 година. Исто така, болидот го зазеде првото место во GTP, но заврши на второто место во генералниот пласман откако му дупна гума додека се обидуваше да го претекне лидерот на трката.
Но, да се вратиме во светот на патните автомобили. Audi Ro V10 Plus станува дел од играта Gran Turismo 7 само неколку дена откако германската компанија го произведе последниот примерок. Автомобилот од играта е придвижуван од атмосферски 5,2-литарски V10 мотор, а со оглед на тоа дека е модел Plus, развива 610 КС и забрзува од 0 до 100 км/час за само 3,2 секунди.
Lamborghini Urus исто така ќе биде популарен извор на новата снежна патека. Го придвижува 4,0-литарски твин-турбо V8 мотор, кој испорачува 650 КС.
Покрај новите автомобили, Gran Turismo добива и нови налепници благодарение на партнерството со јапонската аниме серија за моторспорт „Highspeed Etoile“, така што гејмерите за ограничено време ќе имаат пристап до стикери со ликовите од серијата.
Конечно, играта добива нова позадина за режимот на фотографирање, а тоа се црешите во Фукушима. Предизвикот Jaguar ќе биде додаден во режимот single-player Cafe mod, додека новите трки ќе станат дел од менито World Circuits.
Ажурирањето 1.44 со нова содржина ќе биде достапно од денес потполно бесплатно.
