Ви претставуваме вкусен рецепт за тоа како да ги направите најдобрите телешки шницли, а да употребите само 5 состојки.
Телешкото месо е вкусно, меко месо кое може да го приготват дури и вистински почетници во кујната. Наш предлог за вкусен ручек денес е најдобрите телешки шницли направена од само 5 состојки. Потребни ви се телешко месо, брашно, путер, лимон и капери. Секако, и сол и бибер, кои веројатно веќе ги имате дома.
Потребни состојки:
- 4 телешки шницли
- 100 гр пченично брашно
- 4 лажици путер
- сок од 2 лимона
- 2 лажици капери
- сол
- бибер
Подготовка:
Телешките шницли истенчете ги со чекам или мавајте ги со тавче врз парче фолија, за да бидат со еднаква дебелина. Зачинете ги со сол и бибер од двете страни и валкајте ги во брашно.
Загрејте го путерот на средна температура, па пржете ги шницлите додека не поруменат од двете страни. Извадете ги на убрус малку да се исцедат.
Додадете капери во тавата со путер, измешајте и оставете ги да се пржат 2-3 минути. Потоа додадете сок од лимон. Внимателно одлепете ги останатите парченца месо од дното на тавата, тие имаат вистинско богатство од вкусови.
Телешките шницли вратете ги во сосот и оставете ги да се загреат уште минута-две. Послужете ги топли, со ориз, варени компири или тестенини, а по желба украсете ги со магдонос.
