23 декември 1990, Словенците изгласале отцепување од Југославија

Со мнозинство од 95,71% на рефендумот победила опцијата за создавање на независна државна Словенија и напуштање на Југославија.

Прашањето на рефендумот одржан на денешен ден гласело „Ali naj Republika Slovenija postane samostojna in neodvisna država?“ и се гласало со „DA“ или „NE“.

Излезноста била дури 90,83% од кои огромното мнозинство, односно 95,71% (1.289.369 гласачи) одбрале отцепување, додека само 4,29% (57.800 гласачи) гласале за останување во Југославија.

На 25 јуни наредната година Словенија прогласила независност со што формално почнал распадот на Југославија.