28 октомври 1886, во Њујорк била поставена Статуата на слободата

Со парада уште утрото во Њујорк, а потоа и попладневна церемонија пред стотици илјади граѓани, била официјално отворена Статуата на слободата, подарок од Франција.

Трасата започнала на плоштадот „Медисон“ и продолжила кон Батери, на јужниот врв на Менхетен преку „Петтата авенија“ и Бродвеј, со мало заобиколување. Претседателот Гровер Кливленд до островот бил пренесен со јахта.

Статуата на слободата е висока 46 метри, но гледана во целост од земјата до факелот висината изнесува 93 метри, а тежи 204 тони. Дизајнирана била од францускиот скулптор Фредерик Огист Бартолди, а металната конструкција била дело на архитектот Густав Ајфел.

Денес е симбол не само на градот Њујорк, туку и на САД.