Први фотографии од најмоќниот сериски Golf

Од 2002 година, R е ознака за најмоќните и најпрестижните верзии на Golf.

Таа година беше основан подбрендот Volkswagen R, а првиот производ беше базиран на четвртата генерација на Golf. Ја носеше ознаката R32, како и во петтата генерација, што јасно го означуваше погонскиот 3,2-литарски шестцилиндарски мотор. Понатамошните наследници се префрлија на мотор 2.0 TSI, што е случај и денес.

Со доаѓањето на дволитарската верзија најмоќниот Volkswagen ја достигнува границата од 300 КС, а со осмата генерација ја надминува. Сега, по минатонеделната премиера на фејслифтот на осмата генерација на Golf, дознаваме дека GTI останува во понудата со плус 20 КС. Volkswagen го потврди доаѓањето на верзијата R, а сега не почести со првите фотографии.

За верзијата GTI знаеме дека ќе има 265 КС. По него ќе следи GTI Clubsport, а потоа ќе пристигне и верзијата R. Веќе знаеме како може без поголеми проблеми да произведе до 333 КС, како што дознавме преку верзијата R 333 и воедно најскапиот Golf на сите времиња.

Веќе се познати два новитети, а тоа е дека верзијата R ќе се нуди исклучиво со DSG менувач, како и дека во понудата ќе биде и караван верзија. Ова ќе го направи Golf еден од последните модели во сегментот со толку богата понуда.

Прототипот на автомобилот деновиве беше тестиран од многу тест возачи, вклучувајќи ги и легендите на мотоспортот како Ханс-Јоаким Стак и шесткратниот шампион во WRC, Јохан Кристоферсон.

И за крај, да кажеме дека премиерата на новиот Golf R е темпирана за ова лето.