Има ли подобра симболика од тоа детето да носи име што значи светлина? Но, не зборуваме за имиња како Светле, Светлана, итн.
Ако сте во потрага по име за вашето женско новороденче и не сакате тоа да биде од оние вообичаени, но сепак да има и традиција и симболика, тогаш списокот кој го подготвивме можеби ќе ви биде од вистинската помош.
Имињата кои означуваат светлина (сонце, зора, мугра, месечева светлина) имаат многу силна симболика, бидејќи детето го носи токму тоа во нашите животи - светлина и радост!
Имињата што се користат со векови, и го имаат токму тоа значење, ги носеле и некои од митските божици. Можеби токму на овој список ќе го најдете она што го баравте.
Имиња за девојчиња кои означуваат светлина:
- Аелија (староримско име што значи Сонце)
- Елиана (ќерка на Сонцето)
- Елеодора (подарок од Сонцето)
- Калинда (хиндуистичко име што значи Сонце)
- Теа (изведенка од старогрчкото име Теја - божица на Сонцето)
- Селена (грчка божица на Месечината)
- Аурора (латинско име кое значи зора. Римската божица на утрото се викала Аурора)
- Нера (ова име е од хебрејско потекло и значи свеќа или светлина)
- Луција (на латински „лукс“ значи светлина - оттука италијанското име Лучија)
- Зора (арапското потекло на ова име значи токму тоа - зора / мугра)
