Колку и да ви е добро CV-то, може да бидете одбиени доколку не е придружено со внимателно напишано мотивационо писмо.
Иако вложуваме помалку време во пишување на мотивационото писмо отколку кога станува збор за пишување на резимето, тоа е подеднакво важно и без него апликацијата не е целосна, а исто така ја прави таа мала разлика поради која менаџерот одлучува кој кандидат да го ангажира.
Ако сте забележале дека вашите апликации за работа често остануваат неодговорени или се одбиени, можеби правите една од овие грешки.
Можеби тоа не е првото нешто што го гледа потенцијалниот работодавец, но фактот дека сте испратиле копирано мотивационо писмо од првата страница на Gooogle веднаш се забележува - и се смета за голем недостаток и маана во споредба со другите кандидати. Поради ваквата несериозност, вашата апликација може да биде целосно игнорирана.
Сите менаџери за човечки ресурси се согласуваат дека не постои поголем кошмар од предолго, прекумерно и досадно мотивационо писмо, кое покажува дека кандидатот не знае што да издвои како релевантно, а што е излишно.
Секој збор што го испраќате до компанијата во која сакате да работите покажува како комуницирате, а тоа што сте премногу опширни е знак дека не сте особено ефикасни во тоа.
Важно е да бидете кратки, уште поважно е да бидете јасни и веднаш да дојдете до суштината. Секогаш постои можност вашето мотивационо писмо да не биде прочитано до крај, затоа на самиот почеток ставете го она што го сметате за најважно, а она што е помалку важно може да остане на крајот.
Една од најголемите грешки што ја прават кандидатите за работа е што во мотивациското писмо, со други зборови, го повторуваат она што веќе е во нивната работна биографија. Треба да пишува зошто аплицирате за таа работа, како сте дознале за тоа, како гледате на тоа, што би направиле прво итн.
За да пласирате каква било содржина, клучно е добро да ја познавате вашата целна група, а во овој случај тоа е личноста која го чита вашето мотивационо писмо и одлучува дали сте адекватен вработен за неговата компанија. Обидете се да ѝ се обратите на личноста, а не на компанијата, но не претерувајте за да не делувате несериозно и непристојно.
