Фудбалерите на Ајнтрахт славеа сензационална победа во 14. коло од Бундеслигата. Тимот од Франкфурт го декласираше најтрофејниот германски клуб со 5:1.
Блескаше напаѓачот Дина Ебимбе, буквално ги „возеше“ дефанзивците на Баерн и постигна два гола. Но, ова не беше само негов ден. Сите играчи на Ајнтрахт беа во транс, одиграа над своите можности.
Неочекувано, почнаа бурно и по нешто повеќе од половина час игра Ајнтрахт имаше предност од 3:0. Баварците во тие моменти буквално не постоеја на теренот.
Јосуа Кимих ја намали негативата на Баерн до крајот на полувремето, но максимално мотивираните домаќини не се решија да ја бранат предноста во второто полувреме, туку постигнаа уште два гола.
На крајот Баерн го запиша првиот пораз во сезоната.
Од останатите натпревари одиграни во истиот термин, треба да се издвои првата сезонска победа за Унион Берлин, убедлива со 3:1 против Борусија од Менхенгладбах.
Резултати:
Хајденхајм – Дармштад 3:2
Унион Берлин – Борусија (М) 3:1
Вердер – Аугсбург 2:0
Волфсбург – Фрајбург 0:1
Табела:
