Војниците често се наоѓаат во безизлезни ситуации - особено е незгодно кога не можат да видат што има зад некој ѕид, засолниште или возило, па мораат да ги ризикуваат своите животи само за да ѕирнат и да откријат каде е непријателот.
Соединетите Американски Држави сакаат да го променат тоа, со помош на новата технологија што ја развија.
Тоа е технологија наречена Integrated Visual Augmentation System (IVAS), што всушност се очила кои содржат комбинација на камери и сензори, благодарение на кои проектираат слика за тоа што треба да има зад ѕидот, односно засолништето.
Војниците во оклопно возило, на пример, со овој систем нема да мора да излегуваат надвор за да видат што се случува, но ќе можат да видат „пренос“ од еден куп камери поставени на возилото на екраните на нивните паметни очила – а токму тие камери би можеле да гледаат и зад аголот.
Кога станува збор за оружје (на пр. пушки), може да се постават термални камери за да можат војниците да гледаат во мракот, а очилата може да прикажат и дигитални „мапи“, што е особено корисно кога војниците се на непозната територија.
Пентагон смета дека оваа технологија ќе го намали бројот на непотребни жртви на минимум, токму затоа што ќе ја зголеми ефикасноста на бојното поле, а планот е да се инвестираат 1,1 милијарда долари во IVAS, со која првенствено ќе биде опремена пешадијата во првите борбени линии.