Славниот американски актер Арми Хамер е обвинет за силување кое се случило во 2017 година во Лос Анџелес, пренесе BBC.
Обвинението е изнесено од 24-годишна жена позната како Ефи, во текот на виртуелна прес-конференција во текот на вчерашниот ден.
34-годишниот Хамер ги негира обвинувањата, а неговиот адвокат изјави дека се ужасни. Полицијата од Лос Анџелес потврди дека Хамер е осомничен за силување, а истрагата е започната на 3 февруари.
Ефи изјави дека со Хамер се запознала преку Facebook во 2016 година и набргу се вљубила во него. Таа тврди дека во текот на врската, актерот користел „тактика на манипулација за да има контрола над неа“. Наводно ја тестирал нејзината лојалност и ја минал нејзината граница бидејќи станувал сè понасилен. Исто така, Ефи тврди дека Хамер ментално, емотивно и сексуално ја злоставувал, за да на крајот ја силува на 24 април 2017 година.
„Арми Хамер ме силуваше 4 часа во Лос Анџелес и во неколку наврати ја удираше мојата глава од ѕид. Лицето ми беше повредено. Се обидов да избегам, но не ми дозволи, мислев дека ќе ме убие. Подоцна си замина, а не се грижеше за мојата состојба. Бев во шок, не можев да поверувам дека некој кој го сакам, може да го направи тоа“, изјави Ефе.
Таа тврди дека по наводното силување размислува за самоубиство и истакна дека се чувствува виновна што порано не проговорила за овој случај.
