Италијанскиот стратег Карло Анчелоти (64) по истекот на договорот со Реал Мадрид ќе ја преземе репрезентацијата на Бразил од Копа Америка 2024, што ќе се одржи во јуни и јули следната година во САД.
Веста рано утрово ја објави агенцијата France Presse, повикувајќи се на добро информирани извори од Бразилската фудбалска конфедерација (ЦБФ), а набрзо ја потврди и претседателот на Федерацијата, Едналду.
Претходно беше најавено дека тренерот на Флуминенсе, Фернанди Диниз, ќе го предводи петкратниот светски шампион додека Анчелоти не седне на селекторското столче.
Анчелоти има договор со Реал до јуни 2024 година и во неколку наврати изјави дека сака да го одработи до крај.
Да потсетиме, Тите ја извршуваше функцијата селектор на Бразил од 2016 година до декември минатата година на Мундијалот во Катар, каде Хрватска ги исфрли во четвртфиналето.
Анчелоти ќе стане и четвртиот странец кој го предводел Бразил, а прв по речиси 60 години. Последен пат странец го водеше Бразил во 1965 година кога Аргентинецот Фулпо Нуњес беше коселектор на еден пријателски натпревар. Претходно Во 1944 година Португалецот Жорека го водеше Бразил како коселектор на две пријателски, а во 1925 Уругваецот Рамон Платеро исто беше коселектор на Јужноамериканското првенство. Бразил никогаш не бил воден од странец на Мундијал, а Анчерлоти би требало тоа да го стори на светскиот собир во 2026 година со Канада, САД и Мексико.
До преземањето на Анчелоти, Диниз паралелно ќе раководи со Флуминенсе и бразилската репрезентација.