Apple ги објави податоците за својата добивка во третиот квартал од минатата година, која изнесува 83 милијарди долари и е поголема од прогнозите дадени од аналитичарите.
Според објавените податоци, Apple заработил 40,7 милијарди долари од продажбата на iPhone, потоа 7,22 милијарди долари од iPad и 7,4 милијарди долари од Mac.
По објавувањето на извештајот, акциите на Apple пораснаа за повеќе од три проценти. И покрај рекордниот профит, Apple објави дека нето приходот паднал за 10,5 отсто во споредба со претходната година.
Некои од проблемите со кои се соочува Apple се инфлацијата што ги погодува клиентите и локдаун мерките за коронавирусот во Кина, кои освен што ја намалуваат продажбата, создаваат и проблеми во синџирот на производство.
Пазарната капитализација на компанијата претрпе и поголем пад во технолошкиот сектор и сега изнесува 2,5 илјади милијарди долари. Сепак, аналитичарите проценуваат дека силниот раст на сегментот на услуги ќе ја врати компанијата на вредност од повеќе од три илјади милијарди долари.