Фудбалерите на Арсенал го совладаа Вест Хем со резултат 3:1 во 17. коло од Премиер лигата и дополнително се зацврстија на лидерската позиција на табелата.
Натпреварот на „Емирати“ го одбележа и враќањето на легендарниот Арсен Венгер на овој стадион за прв пат по четири години кога си замина од менаџерската позиција на „Топџиите“.
Сепак, натпреварот започна лошо за домашните. Во 27. минута Вест Хем поведе со гол од пенал, кој сигурно го реализираше Бенрахма, а ниту поништениот гол и пеналот не му одеше во прилог на Арсенал, откако во двата наврати интервенираше ВАР.
Многумина можеби мислеа дека тоа нема да биде ноќ на „Топџиите“, но тешкиот удар се исплатеше. Најпрвин Сака во 53. минута по среќната одбиена топка израмни на 1:1, а само пет минути подоцна Мартинели постигна одличен гол за пресврт на натпреварот и поведе со 2:1.
Конечните 3:1 ги постави Нкетија во 69. минута по одличната акција и асистенција на Одегард.
Арсенал во следното коло му гостува на Брајтон, додека Вест Хем е домаќин на Брентфорд.