Apple објави ново ажурирање за своите уреди, во кое посебно се осврна на проблемот со прегревање на моделите на iPhone 15.
Да потсетиме дека корисниците масовно известуваа дека нивните нови телефони се прегреале при користење и полнење, до тој степен што држењето на уредот iPhone 15 во рака станало крајно непријатно.
На почетокот на неделата Apple излезе со официјална изјава и ги уверуваше корисниците дека проблемот нема да предизвика дефект, дека е од софтверска природа и дека ќе биде закрпен што е можно поскоро. Токму тоа се случи сега, па сите корисници на iPhone можат веднаш да го ажурираат својот оперативен систем до најновата верзија - iOS 17.0.3.
Еве што вели гигантот од Купертино за ажурирањето: „Оваа надградба носи важни поправки на багови, безбедносни закрпи (patches) и го решава проблемот што предизвика iPhone да се вжештува повеќе од очекуваното“.
Оваа надградба се занимава исклучиво со проблемот во самиот оперативен систем, а Apple веќе нагласи дека прегревање може да дојде и поради неоптимизирани апликации, кои во моментот на официјалното објавување вклучуваа имиња како Instagram, Asphalt 9 и Uber. Instagram и Uber веќе се ажурирани за да работат подобро на новиот хардвер, но Asphalt 9 сè уште не е.
Значи, ако користите еден од уредите iPhone 15 или iPhone 15 Pro, не заборавајте да го ажурирате вашиот телефон. Ако сè уште не сте го добиле известувањето, можете сами да одите на Settings > General > Software Update, да почекате ажурирањето да се вчита и потоа да го допрете копчето Update Now.
За жал, ако и вие имате проблем со звучниците, ќе мора да почекате уште некое време додека Apple да го поправи овој дефект.
