Американскиот претседател Џо Бајден неочекувано се огласи по повод интервјуто на британскиот принц Хари и неговата сопруга Меган Маркл.
Во интервју кај Опра Винфри, Меган ги обвини членовите на британското кралско семејство за расизам.
Преку претставници за медиумите, Џо Бајден испрати јасна порака за интервјуто и работите изнесени во него, но истовремено ги ризикува добрите односи со Велика Британија.
„Претседателот е уверен и истакна дека секоја личност која јавно ќе излезе на овој начин да го раскаже личното искуство е храбра“, изјави Џен Псаки од Белата куќа.
Во интервјуто, Меган Маркл истакна дека размислувала за самоубиство бидејќи не успеала да се адаптира на животот во британското кралско семејство.
И покрај настојувањето на Опра, таа конкретно не откри која личност се однесувала расистички кон неа.