Избраниот претседател на САД, Џо Бајден предупреди дека уште поголем број Американци би можеле да починат ако администрацијата на Доналд Трамп продолжи да го блокира трансферот на власта, особено кога станува збор за планот за вакцинација.
„Уште луѓе би можеле да умрат ако не бидеме координирани“, предупреди Бајден кога еден новинар го праша што би можело да го предизвика одбивањето на Трамп за пораз.
Бајден изјави дека им е потребен план за вакцинирање на 300 милиони Американци и праша каде е планот.
„Ако мора да чекаме до 20 јануари за да почнеме со планови, само ќе доцниме еден месец. Така што е важно ова да се направи што порано, да се координира сега“, продолжи тој и додаде дека мора што побрзо да се работи.
Бајден изјави дека разговарал со повеќе републиканци и дека соочувствува со нив поради тешката положба во која ги довел Трамп.
„Се надевам дека претседателот ќе се просветли пред 20 јануари“, рече Бајден.